தி.மு.க. இளைஞரணி உறுப்பினர் சேர்க்கை

நெல்லை மாநகராட்சி 16-வது வார்டு டவுன் கருவேலங்குண்டு தெருவில் இல்லம்தோறும் தி.மு.க. இளைஞரணி உறுப்பினர் சேர்க்கை முகாம் நடந்தது. நெல்லை மாநகராட்சி மேயர் பி.எம்.சரவணன் தலைமை தாங்கி முகாமை தொடங்கி வைத்தார்.

தொடர்ந்து நெல்லை டவுன் சாலியர் தெரு, பெரியசாமி கோவில் தெரு, குற்றாலம் ரோடு உள்ளிட்ட பகுதிகளில் மேயர் பி.எம்.சரவணன் தலைமையில் தி.மு.க.வினர் வீடு வீடாக சென்று இளைஞர்களை தி.மு.க. இளைஞரணியில் உறுப்பினர்களாக சேர்த்தனர். மாநகராட்சி கவுன்சிலர்கள் கிட்டு என்ற ராமகிருஷ்ணன், உலகநாதன் உள்பட பலர் கலந்து கொண்டனர்.