தி.மு.க. இளைஞர் அணி பொறுப்புகளுக்கான நேர்காணல்

தஞ்சை கலைஞர் அறிவாலயத்தில் இன்று (செவ்வாய்க்கிழமை) நடக்கும் தி.மு.க. இளைஞர் அணி பொறுப்புகளுக்கான நேர்காணலில் அமைச்சர் உதயநிதி ஸ்டாலின் கலந்து கொள்கிறார்.

நேர்காணல்

தஞ்சை கலைஞர் அறிவாலயத்தில் தி.மு.க. இளைஞரணி மாவட்ட, மாநகர அமைப்பாளர், துணை அமைப்பாளர் பொறுப்புகளுக்கான நேர்காணல் இன்று (செவ்வாய்க்கிழமை) மாலை 4 மணிக்கு நடக்கிறது. புதுக்கோட்டை வடக்கு, புதுக்கோட்டை தெற்கு, தஞ்சை வடக்கு, தஞ்சை தெற்கு, தஞ்சை மத்திய மாவட்ட தி.மு.க. இளைஞர் அணியை சேர்ந்தவர்களுக்கு இந்த நேர்காணல் நடக்கிறது. தி.மு.க. இளைஞரணி செயலாளரும், அமைச்சருமான உதயநிதி ஸ்டாலின் கலந்து கொண்டு நேர்காணலை நடத்துகிறார்.

நேர்காணலில் கலந்து கொள்ள வரும் விண்ணப்பதாரர்கள் ஒவ்வொருவரும் தங்களுடைய வயதை நிரூபிப்பதற்கான சான்றிதழ், உறுப்பினர் அட்டை, இளைஞர் அணி போன்ற அமைப்புகளில் ஏற்கனவே பணியாற்றியிருந்தால் அதுதொடர்பான புகைப்படம் மற்றும் ஆவணங்களுடன் கலந்து கொள்ள வேண்டும் என ஏற்கனவே தி.மு.க. இளைஞர் அணி செயலாளர் உதயநிதி ஸ்டாலின் அறிவித்துள்ளார்.

தஞ்சைக்கு உதயநிதி ஸ்டாலின் வருவதையொட்டி சாலையோரங்களில் தி.மு.க. கொடி கட்டப்பட்டுள்ளது. கலைஞர் அறிவலாயம் மின்னொளியில் ஜொலிக்கிறது.