தினத்தந்தி புகார் பெட்டி: மக்கள் குறைகள் தொடர்பான பதிவுகள்

போக்குவரத்து நெரிசல்

விருதுநகர் மாவட்டம் ஸ்ரீவில்லிபுத்தூர் கடைத்தெரு பகுதி மற்றும் மெயின் ரோட்டில் காலை மற்றும் மாலை நேரங்களில் கடும் போக்குவரத்து நெரிசல் ஏற்படுகிறது. இதனால் மாணவர்கள் மற்றும் வேலைக்கு செல்வோர் மிகவும் சிரமப்படுகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

முருகன், ஸ்ரீவில்லிபுத்தூர்.

கூடுதல் பஸ்வசதி தேவை

விருதுநகர் மாவட்டம் ராஜபாளையத்தில் இருந்து தென்காசி, திருநெல்வேலி போன்ற ஊர்களுக்கு செல்ல இரவு நேரங்களில் போதிய அளவு பஸ் வசதி இல்லை. இதனால் பொதுமக்கள் நீண்ட நேரம் காத்திருந்து பயணிக்க வேண்டிய நிலை உள்ளது. எனவே இரவு நேரங்களில் கூடுதல் பஸ்கள் இயக்கிட அதிகாரிகள் நடவடிக்கை எடுக்க வேண்டும்.

குமரவேல், ராஜபாளையம்.

குடிநீர் தட்டுப்பாடு

விருதுநகர் மாவட்டம் நரிக்குடி ஒன்றியம், டி. கடம்பன்குளம் பஞ்சாயத்துக்கு உட்பட்ட பிரண்டைக்குளம் கிராமத்தில் கடந்த சில நாட்களாக குடிநீர் வராததால் தண்ணீர் தட்டுப்பாடு உள்ளது. இதனால் பொதுமக்கள் குடிநீர் கிடைக்காமல் மிகவும் அவதிப்படுகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

சதீஸ்குமார், கடம்பன்குளம்.

பொதுமக்கள் சிரமம்

விருதுநகர் மாவட்டம் சத்திரரெட்டியபட்டி தமிழ்நாடு ஹவுசிங் போர்டு காலனியில் கடந்த சில நாட்களாக தண்ணீர் சரி வர வரவில்லை. இதனால் தண்ணீருக்காக மக்கள் மிகவும் சிரமப்பட்டு வருகின்றனர். மேலும் தண்ணீரை விலை கொடுத்து வாங்க வேண்டிய நிலை ஏற்பட்டுள்ளது. எனவே மக்களுக்கு தண்ணீர் தடையின்றி கிடைக்க அதிகாரிகள் நடவடிக்கை எடுக்க வேண்டும்.

பொதுமக்கள், சத்திரரெட்டியபட்டி.

விபத்து அபாயம்

விருதுநகர் தாலுகா மருளூத்து ஊராட்சியிலிருந்து தேசிய நெடுஞ்சாலை இணையும் இடத்தில் குறுகலான சாலையை ஒட்டியே எச்சரிக்கை பலகைகள் தொடர்ச்சியாக வைக்கப்பட்டுள்ளது. இதனால் அவ்வழியே வரும் வாகனங்கள் விலகி செல்ல மிகவும் சிரமப்படுகின்றனர். இதனால் அவ்வப்போது விபத்துகளும் நடக்கிறது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

பரத்ராஜா, விருதுநகர்.