தினத்தந்தி புகார் பெட்டி: மக்கள் குறைகள் தொடர்பான பதிவுகள்

கூடுதல் பஸ்கள் இயக்கப்படுமா?

விருதுநகர் மாவட்டம் அருப்புக்கோட்டை பகுதியில் இருந்து சுற்றியுள்ள கிராமங்களுக்கு இயக்கப்படும் டவுன் பஸ்களின் எண்ணிக்கை போதுமானதாக இல்லை. இதனால் இந்த பகுதியில் உள்ளவர்கள் குறித்த நேரத்தில் செல்ல வேண்டிய இடத்திற்கு செல்ல முடியாமல் சிரமப்படுகின்றனர். எனவே இந்த பகுதியில் கூடுதல் பஸ்கள் இயக்க நடவடிக்கை எடுக்க வேண்டும்.

பொதுமக்கள், அருப்புக்கோட்டை.

கொசுக்கள் தொல்லை

விருதுநகர் பகுதிகளில் கொசுக்கள் தொல்லை அதிக அளவில் உள்ளது. இதனால் இந்த பகுதியில் உள்ளவர்கள் இரவு நேரங்களில் அவதிப்படும் நிலை உள்ளது. கொசுக்களினால் தொற்றுநோய் பரவும் அபாயம் உள்ளது. எனவே இந்த பகுதியில் கொசுத்தொல்லையை கட்டுப்படுத்த நடவடிக்கை எடுக்க வேண்டும்.

ரவி, விருதுநகர்.

குண்டும், குழியுமான சாலை

விருதுநகர் மாவட்டம் ராஜபாளையம் நகர் தேசிய நெடுஞ்சாலை பஞ்சுமார்க்கெட் பகுதியிலிருந்து பெரிய மாரியம்மன் கோவில் வரையும், ரெயில்வே பீடர் ரோடு முழுவதும் சேதமடைந்து குண்டும், குழியுமாக இருக்கிறது. இதனால் வாகன ஓட்டிகள் மிகவும் சிரமப்படுகின்றனர். எனவே சேதமடைந்த சாலையை சீரமைக்க வேண்டும்.

ஸ்டீபன் ேஜசுதாஸ், ராஜபாளையம்.

எரியாத தெருவிளக்கு

விருதுநகர் மாவட்டம் சாத்தூர் மெயின் ரோட்டில் முக்காரந்தலில் உள்ள உயர் கோபுர மின்விளக்கு பல நாட்களாக எரியாமல் உள்ளது. இதனால் இந்த பகுதியில் உள்ளவர்கள் இரவு நேரங்களில் சிரமப்படுகின்றனர். எனவே இந்த உயர்கோபுர மின்விளக்கை சரிசெய்ய அதிகாரிகள் நடவடிக்கை எடுக்க வேண்டும்.

குமார், சாத்தூர்.

தெருநாய்கள் தொல்லை

விருதுநகர் மாவட்டம் ராஜபாளையம் அருகே உள்ள சிவலிங்காபுரம் ஊராட்சியில் தெருநாய்கள் தொல்லை அதிகமாக உள்ளது. இந்த நாய்கள் பொதுமக்கள் அதிகமாக நடமாடும் பகுதிகளில் கூட்டம், கூட்டமாக சுற்றித்திரிந்து அச்சுறுத்துகிறது. எனவே தெருநாய்கள் தொல்லையை கட்டுப்படுத்த அதிகாரிகள் நடவடிக்கை எடுக்க வேண்டும்.

பொதுமக்கள், ராஜபாளையம்.