ஊரக வளர்ச்சித்துறை அலுவலர்கள் ஆர்ப்பாட்டம்

தமிழ்நாடு ஊரக வளர்ச்சித்துறை அலுவலர்கள் சங்கம் சார்பில், பழனி ஒன்றிய அலுவலகம் முன்பு ஆர்ப்பாட்டம் நடைபெற்றது. இதற்கு சங்கத்தின் மாநில செயலாளர் ராஜசேகரன் தலைமை தாங்கினார். பழனி வட்டக்கிளை தலைவர் மகுடபதி முன்னிலை வகித்தார். ஆர்ப்பாட்டத்தில் ஊரக வளர்ச்சி துறை அலுவலர்கள், பணியாளர்கள் பலர் கலந்து கொண்டனர். ஆர்ப்பாட்டத்தின்போது, செங்கல்பட்டில் பணி நெருக்கடியால் தற்கொலை செய்த மண்டல துணை வட்டார வளர்ச்சி அதிகாரி மரணத்துக்கும், இதற்கு காரணமானவர்கள் மீது அரசு உரிய நடவடிக்கை எடுக்க வேண்டும், பணியாளர்களுக்கு நெருக்கடி கொடுப்பதை கைவிட வலியுறுத்தியும் கோஷங்களை எழுப்பினர்.