தேவகோட்டை,
தேவகோட்டை அருகே உள்ள அனுமந்தகுடியில் இந்து-முஸ்லிம்- கிறிஸ்தவ கூட்டமைப்பு, உழைக்கும் விவசாயிகள் சங்கம், மற்றும் புரட்சிகர இளைஞர் கழகம் ஆகியவை இணைந்து மணிப்பூர் சம்பவத்தை கண்டித்து கண்டன ஆர்ப்பாட்டம் நடத்தியது. ஆர்ப்பாட்டத்திற்கு துரைராஜ் தலைமை தாங்கினார். ஆர்ப்பாட்டத்தில் இந்து- முஸ்லிம்-கிறிஸ்தவர்களின் ஒற்றுமையை வலியுறுத்தியும், மணிப்பூரில் நடைபெற்ற சம்பவத்தை கண்டித்தும், மல்யுத்த வீராங்கனைகளின் பாலியல் சம்பவத்தை கண்டித்தும் கோஷங்கள் எழுப்பப்பட்டன.. இதில் பேராசிரியர் கோச்சடை, மக்கள் அதிகாரம் அமைப்பைச் சேர்ந்த நாகராஜன், வக்கீல் கணேசன், சிம்சன், சந்தனமேரி உள்ளிட்ட பலர் கலந்து கொண்டனர்.