லாரி மோதி மளிகை கடைக்காரர் பலி

மத்தூர்

மத்தூர் அருகே மோட்டார் சைக்கிள் மீது லாரி மோதி மளிகை கடைக்காரர் பரிதாபமாக இறந்தார்.

லாரி மோதி சாவு

திருப்பத்தூர் மாவட்டம் வதனவாடி பகுதியை சேர்ந்தவர் பரமசிவம் (வயது35). இவர் கிருஷ்ணகிரி மாவட்டம் மத்தூர் அருகே உள்ள கிருஷ்ணாபுரம் பகுதியில் மளிகை கடை நடத்தி வருகிறார். இவருக்கு கடந்த சில மாதங்களுக்கு முன்பு திருமணம் நடைபெற்றது. நேற்று முன்தினம் இரவு பரமசிவம் மளிகை கடையை பூட்டிவிட்டு மோட்டார் சைக்கிளில் வீட்டுக்கு சென்றார்.

அப்போது நாடார் வட்டம் அருகே சென்றபோது காக்கங்கரையில் இருந்து எதிரே வந்த லாரி மோட்டார் சைக்கிள் மீது மோதியது. இந்த விபத்தில் பரமசிவம் உடல் நசுங்கி சம்பவ இடத்திலேயே பரிதாபமாக இறந்தார். இந்த விபத்து குறித்து அக்கம் பக்கத்தினர் மத்தூர் போலீசுக்கு தகவல் தெரிவித்தனர்.

விசாரணை

அதன்பேரில் போலீசார் விரைந்து சென்று பரமசிவத்தின் உடலை கைப்பற்றி பிரேத பரிசோதனைக்காக மத்தூர் அரசு ஆஸ்பத்திரிக்கு அனுப்பி வைத்தனர். விபத்து குறித்து தகவல் அறிந்ததும் இறந்த பரமசிவத்தின் மனைவி மற்றும் குடும்பத்தினர், உறவினர்கள் ஆஸ்பத்திரிக்கு வந்து உடலை பார்த்து கதறி அழுதனர். இ்ந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.