லாரியில் இருந்து தவறி விழுந்த கிளீனர் சாவு

காவேரிப்பட்டணம்

நாமக்கல் மாவட்டம் ராசிபுரம் அடுத்த அத்தனூரை சேர்ந்தவர் செல்வகுமார் ( வயது47). லாரி கிளீனர். சம்பவத்தன்று இவர் காவேரிப்பட்டணம் அருகே சப்பாணிப்பட்டியில் உள்ள ஜூஸ் கம்பெனிக்கு லாரியில் வந்துள்ளார். அப்போது லாரி மீது ஏறிய அவர் நிலைத்தடுமாறி கீழே விழுந்து படுகாயமடைந்தார். அக்கம் பக்கத்தினர் அவரை மீட்டு தர்மபுரி அரசு ஆஸ்பத்திரியில் சேர்த்தனர். அங்கு சிகிச்சை பலனின்றி நேற்று முன்தினம் அவர் பரிதாபமாக இறந்தார். இதுகுறித்து காவேரிப்பட்டணம் போலீசார் வழக்குப்பதிவு செய்து விசாரணை நடத்தி வருகின்றனர்.