ஸ்கூட்டர் மோதி முதியவர் சாவு

சூளகிரி:

சூளகிரி அருகே மேலுமலை பக்கமுள்ள பிக்கலப்பள்ளியை சேர்ந்தவர் எர்ரப்பா (வயது 72). சம்பவத்தன்று அவர், சாமல்பள்ளம் அருகே ஓசூர்-கிருஷ்ணகிரி தேசிய நெடுஞ்சாலை பகுதியில் நடந்து சென்றார். அப்போது அந்த வழியாக வந்த ஸ்கூட்டர் எர்ரப்பா மீது மோதியது. இதில் பலத்த காயமடைந்த அவரை அருகில் இருந்தவர்கள் மீட்டு சிகிச்சைக்காக கிருஷ்ணகிரி அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக அவர் தர்மபுரி அரசு ஆஸ்பத்திரியில் சேர்க்கப்பட்டார். அங்கு தீவிர சிகிச்சை அளித்தும் பலனின்றி நேற்று முன்தினம் அவர் பரிதாபமாக இறந்தார். இது குறித்து சூளகிரி போலீசார் வழக்குப்பதிவு செய்து விசாரணை நடத்தி வருகிறார்கள்.