மொபட் மீது சரக்கு ஆட்டோ மோதி விவசாயி சாவு

ராயக்கோட்டை:

ராயக்கோட்டை

உத்தனப்பள்ளி அருகே மொபட் மீது சரக்கு ஆட்டோ மோதி விவசாயி இறந்தார்.

விவசாயி சாவு

கிருஷ்ணகிரி மாவட்டம் உத்தனப்பள்ளி அருகே உள்ள கனிஞ்சூர் கிராமத்தை சேர்ந்தவர் பூங்காவனம் (வயது 61). விவசாயி. இவர் நேற்று முன்தினம் காலை மொபட்டில் யாகனப்பள்ளி சாலையில் சென்று கொண்டு இருந்தார்.

அப்போது அந்த வழியாக சென்ற சரக்கு ஆட்டோ எதிர்பாராதவிதமாக மொபட் மீது மோதியது. இந்த விபத்தில் தூக்கி வீசப்பட்ட அவர் படுகாயம் அடைந்து சம்பவ இடத்திலேயே பரிதாபமாக இறந்தார். இது குறித்து உத்தனப்பள்ளி போலீசாருக்கும், பூங்காவனத்தின் குடும்பத்தினருக்கும் தகவல் தெரிவிக்கப்பட்டது.

போலீசார் விசாரணை

அதன்பேரில் போலீஸ் இன்ஸ்பெக்டர் சுப்பிரமணியன் மற்றும் போலீசார் சம்பவ இடத்திற்கு சென்றனர். மேலும் பூங்காவனத்தின் குடும்பத்தினர் மற்றும் உறவினர்கள் விரைந்து சென்று உடலை பார்த்து கதறி அழுதனர். பின்னர் போலீசார் இறந்த பூங்காவனத்தின் உடலை மீட்டு பிரேத பரிசோதனைக்காக ஓசூர் அரசு ஆஸ்பத்திரிக்கு அனுப்பி வைத்தனர். அங்கு அவரது உடல் பிரேத பரிசோதனை செய்யப்பட்டு குடும்பத்தினரிடம் ஒப்படக்கப்பட்டது.

இது தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.