விபத்தில் கட்டிட மேஸ்திரி சாவு

தர்மபுரி எம்.ஜி.ஆர்.ஆர். நகரை சேர்ந்தவர் பிரகாஷ் (வயது 62). கட்டிட மேஸ்திரி. இவர் தர்மபுரி 4 ரோடு அருகே நடந்து சென்று கொண்டிருந்தார். அப்போது அந்த வழியாக வந்த ஒரு வாகனம் அவர் மீது மோதியது. இதில் தூக்கி வீசப்பட்டு படுகாயம் அடைந்த அவரை அந்த பகுதியில் இருந்தவர்கள் மீட்டு தர்மபுரி அரசு ஆஸ்பத்திரியில் சேர்த்தனர். அங்கு தீவிர சிகிச்சை அளித்தும் பலனின்றி அவர் பரிதாபமாக உயிரிழந்தார். இந்த விபத்து குறித்து தர்மபுரி டவுன் போலீசார் வழக்குப்பதிவு செய்து விசாரணை நடத்தி வருகிறார்கள்.