மரத்தில் மோட்டார் சைக்கிள் மோதி தொழிலாளி சாவு

அரூர்:

அரூர் அருகே உள்ள புதுகொக்கராப்பட்டி கிராமத்தை சேர்ந்தவர் ராமமூர்த்தி (வயது 35). தனியார் ஸ்பின்னிங் மில்லில் தொழிலாளி. இவர் கோபிநாதம்பட்டி- தென்கரைக்கோட்டை சாலையில் ஜம்மனஅள்ளி பகுதியில் மோட்டார் சைக்கிளில் சென்று கொண்டு இருந்தார். அப்போது எதிர்பாராதவிதமாக மோட்டார் சைக்கிள் சாலையோர மரத்தின் மீது மோதியது. இந்த விபத்தில் படுகாயம் அடைந்த ராமமூர்த்தி சம்பவ இடத்திலேயே பரிதாபமாக உயிரிழந்தார். இது குறித்து கோபிநாதம்பட்டி போலீசாருக்கு தகவல் தெரிவிக்கப்பட்டது. அதன் பேரில் போலீசார் விரைந்து சென்று ராமமூர்த்தியின் உடலை கைப்பற்றி பிரேத பரிசோதனைக்காக அரூர் அரசு ஆஸ்பத்திரிக்கு அனுப்பி வைத்தனர். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகிறார்கள்.