பனைமரத்தில் வாகனம் மோதி வாலிபர் சாவு

ராமநாதபுரத்தை அடுத்துள்ள ரெகுநாதபுரம் அருகே உள்ள கீழவலசையை சேர்ந்தவர் லோகநாதன் (வயது 51). இவர் தனது மகன் சரவணன்(31) என்பவருடன் மோட்டார் சைக்கிளில் வழுதூர் சென்று தண்ணீர் கேன் வாங்கி வந்தார். இவர்கள் தண்ணீர் கேனை முன்பக்கம் வைத்து கொண்டு வந்து கொண்டிருந்தனர். அப்போது ரெகுநாதபுரம் அய்யப்பன் கோவில் அருகில் சென்றபோது எதிர்பாராதவிதமாக நிலைதடுமாறி சாலையின் எதிரில் உள்ள பனைமரத்தில் மோதினர். இந்த விபத்தில் சரவணன் படுகாயம் அடைந்தார். உயிருக்கு ஆபத்தான நிலையில் மதுரை ஆஸ்பத்திரியில் அனுமதிக்கப்பட்டு சிகிச்சை பலனின்றி பரிதாபமாக உயிரிழந்தார். இதுகுறித்து லோகநாதன் அளித்த புகாரின் அடிப்படையில் திருப்புல்லாணி போலீசார் வழக்குப்பதிவு செய்து விசாரித்து வருகின்றனர்.