காவேரிப்பட்டணம் அருகே மின்சாரம் தாக்கி டிரைவர் சாவு

காவேரிப்பட்டணம்:

காவேரிப்பட்டணம் அருகே உள்ள எம்.சவுளூரை சேர்ந்தவர் திருப்பதி (வயது 21). டிரைவர். இவர் நேற்று முன்தினம் அங்கு மின் கம்பத்தில் ஏற முயன்றார். அப்போது அவர் மின்சாரம் தாக்கி தூக்கி வீசப்பட்டு படுகாயம் அடைந்தார். அவரை அருகில் இருந்தவர்கள் மீட்டு சிகிச்சைக்காக காவேரிப்பட்டணம் அரசு ஆஸ்பத்திரிக்கு கொண்டு சென்றனர். ஆனால் வழியிலேயே திருப்பதி பரிதாபமாக இறந்தார். இது குறித்து காவேரிப்பட்டணம் போலீசார் வழக்குப்பதிவு செய்து விசாரணை நடத்தி வருகிறார்கள்.