பாப்பாரப்பட்டி அருகே தேர் கவிழ்ந்த விபத்தில் மேலும் ஒருவர் சாவு பலி எண்ணிக்கை 3 ஆக உயர்வு

பாப்பாரப்பட்டி:

தர்மபுரி மாவட்டம் பாப்பாரப்பட்டி அருகே மாதேஅள்ளி கிராமத்தில் கடந்த 13-ந் தேதி காளியம்மன் கோவில் தேரோட்டம் நடந்தது. அப்போது தேர் கவிழ்ந்த விபத்தில் அப்பகுதியை சேர்ந்த மனோகரன் (வயது 57) மற்றும் சரவணன் (50) ஆகிய 2 பேர் பலியானார்கள். மேலும் 4 பேர் படுகாயம் அடைந்தனர். அவர்கள் தர்மபுரி அரசு ஆஸ்பத்திரியில் சேர்க்கப்பட்டு சிகிச்சை பெற்று வந்தனர். இவர்களில் சேலம் அரசு ஆஸ்பத்திரியில் சிகிச்சை பெற்று வந்த மாதேஅள்ளியை சேர்ந்த பெருமாள் (வயது 55) என்பவர் சிகிச்சை பலனின்றி நேற்று காலை இறந்தார். இதனைத் தொடர்ந்து தேர் கவிழ்ந்த விபத்தில் பலி எண்ணிக்கை 3 ஆக உயர்ந்தது.