ஓசூரில்தொழிலாளி விபத்தில் பலி

ஓசூர்:

ஓசூர் காளேகுண்டா பகுதியை சேர்ந்தவர் நாராயணசாமி (வயது 23), கூலித் தொழிலாளி. இவர் ஸ்கூட்டரில், ஓசூர்-கிருஷ்ணகிரி சாலையில் சீதாராம் மேடு அருகில் நேற்று முன்தினம் சென்று கொண்டிருந்தார். அப்போது அந்த வழியாக சென்ற அடையாளம் தெரியாத வாகனம் அவர் மீது மோதியது. இதில் பலத்த காயமடைந்த நாராயணசாமியை அருகில் இருந்தவர்கள் மீட்டு சிகிச்சைக்காக ஓசூர் அரசு ஆஸ்பத்திரிக்கு கொண்டு சென்றனர். ஆனால் வழியிலேயே அவர் இறந்து விட்டார். இந்த விபத்து குறித்து ஓசூர் அட்கோ போலீசார் விசாரணை நடத்தி வருகிறார்கள்.