தினத்தந்தி புகார் பெட்டி

புதிய மின்மாற்றி வேண்டும்

மயிலாடுதுறை மாவட்டம் குத்தாலத்தை அடுத்த ஆலங்குடி கிராமம் மெயின் சாலையோரத்தில் ஆபத்தான நிலையில் மின்மாற்றி ஒன்று உள்ளது. குறிப்பாக மின்மாற்றியை தாங்கிப்பிடித்துள்ள மின்கம்பங்களில் சிமெண்டு காரைகள் பெயர்ந்து இரும்பு கம்பிகள் வெளியே தெரிகிறது. மேலும், மின்மாற்றியில் உள்ள இரும்பு மற்றும் மின்கம்பிகள் மிகவும் மோசமான நிலையில் உள்ளன. இதனால் மின்மாற்றியில் இருந்து அடிக்கடி தீப்பொறிகள் வெளிவருகிறது. இதன் காரணமாக மின்மாற்றி உள்ள பகுதியை பொதுமக்கள், வாகனஓட்டிகள் மிகுந்த அச்சத்துடன் கடந்து சென்று வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் ஆபத்தான நிலையில் உள்ள மின்மாற்றியை அகற்றிவிட்டு, புதிய மின்மாற்றி தர வேண்டும்.

                                                                                                                                                                                 -பொதுமக்கள், மயிலாடுதுறை.

ஆபத்தான நிலையில் மேல்நிலை நீர்த்தேக்க தொட்டி

மயிலாடுதுறை மாவட்டம் கடுவங்குடி பகுதி மாரியம்மன் கோவில் தெருவில் பொதுமக்கள் வசதிக்காக குடிநீர் மேல்நிலை நீர்த்தேக்க தொட்டி அமைக்கப்பட்டது. இந்த தொட்டி முறையான பராமரிப்பின்றி தற்போது ஆபத்தான நிலையில் உள்ளது. குறிப்பாக குடிநீர் மேல்நிலை நீர்த்தேக்கதொட்டியை தாங்கிபிடித்துள்ள தூண்களின் சிமெண்டு காரைகள் பெயர்ந்து இரும்பு கம்பிகள் வெளியே தெரிகிறது. இதனால் தொட்டி வலுவிழந்து எப்போது வேண்டுமானாலும் கீழே விழுந்துவிடும் நிலை ஏற்பட்டுள்ளது. எனவே, சம்பந்தப்பட்ட அதிகாரிகள் அசம்பாவிதம் ஏற்படும் முன் ஆபத்தான நிலையில் உள்ள மேல்நிலை நீர்த்தேக்க தொட்டியை அகற்றிவிட்டு புதிய தொட்டி அமைத்து தர நடவடிக்கை எடுப்பார்களா?

                                                                                                                                                                                -பொதுமக்கள், மயிலாடுதுறை.