தினத்தந்தி புகார் பெட்டி

தேங்கி நிற்கும் கழிவுநீர்

திருச்சி செல்வ நகர் 2-வது வீதியில் ஏராளமான பொதுமக்கள் வசித்து வருகின்றனர். இப்பகுதியில் உள்ள வீடுகளில் இருந்து வெளியேறும் கழிவுநீர் செல்லும் வகையில் சாலையோரத்தில் கழிவுநீர் வாய்க்கால் அமைக்கப்பட்டுள்ளது. இந்த கழிவுநீர் வாய்க்கால் தூர்வாரப்படாமல் உள்ளதால் சாக்கடைகள் தூர்ந்துபோன நிலையில், கழிவுநீர் செல்ல வழியின்றி தேங்கி நிற்கிறது. இதனால் அப்பகுதியில் கடும் துர்நாற்றம் வீசுவதுடன், நோய் பரவும் அபாயமும் ஏற்பட்டுள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.

பொதுமக்கள், செல்வநகர், திருச்சி.

வாகன ஓட்டிகள் அச்சம்

திருச்சி ஜங்ஷன் பகுதியில் ஏராளமான தெரு நாய்கள் சுற்றித்திரிகின்றன. இவை இரவு நேரத்தில் அவ்வழியாக செல்லும் ரெயில் பயணிகள் மற்றும் வாகனங்களில் செல்பவர்களை கடிக்க துரத்துகின்றன. இதனால் மோட்டார் சைக்கிளில் செல்பவர்கள் நிலை தடுமாறி கீழே விழும் அபாயம் உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.

மோகன்ராஜ், திருச்சி.