வல்லம் கிராமத்தில் உழவர் தியாகிகள் தினம்

வந்தவாசி

வந்தவாசியை அடுத்த வல்லம் கிராமத்தில் இந்திய உழவர் உழைப்பாளர் கட்சி (தமிழக விவசாயிகள் சங்கம்) சார்பில் உழவர் தியாகிகள் தின நிகழ்ச்சி நடைபெற்றது.

நிகழ்ச்சிக்கு மாநிலத் தலைவர் வேட்டவலம் கே.மணிகண்டன் தலைமை வகித்தார். துணைத் தலைவர் வல்லம் சின்னராஜூலு வரவேற்றார்.

இதில் சேவூர் ராமச்சந்திரன் எம்.எல்.ஏ., அ.தி.மு.க. திருவண்ணாமலை வடக்கு மாவட்டச் செயலாளர் தூசி மோகன் ஆகியோர் பேசினர். நிகழ்ச்சியில், 1970-களில் நடைபெற்ற விவசாயிகள் போராட்டத்தின் போது துப்பாக்கிச் சூட்டில் உயிரிழந்த விவசாயிகளின் உருவப் படங்களுக்கு மலர் தூவி அஞ்சலி செலுத்தப்பட்டது.