தெப்பத்திருவிழாவையொட்டி மாட்டு வண்டி பந்தயம்

காளையார்கோவில், 

காளையார்கோவில் சவுந்திரநாயகி அம்மன், சோமேஸ்வரர் கோவில் தெப்பத்திருவிழாவையொட்டி மாட்டு வண்டி பந்தயம் நடைபெற்றது.

மாட்டு வண்டி பந்தயம்

காளையார்கோவில் சவுந்திரநாயகி அம்மன், சோமேஸ்வரர் கோவில் வைகாசி விசாக தெப்பத்திருவிழாவையொட்டி மாட்டு வண்டி பந்தயம் நடைபெற்றது. காளையார்கோவில் நாலுகால் மண்டபம்-தொண்டி சாலையில் இந்த பந்தயம் நடந்தது. இதில் மொத்தம் 19 வண்டிகள் கலந்துகொண்டன.

அதன்படி பெரியமாட்டு வண்டி பந்தயம், சின்னமாட்டு வண்டி பந்தயம் என இரு பிரிவாக நடைபெற்றது. முதலில் நடைபெற்ற பெரியமாட்டு வண்டி பந்தயத்தில் 6 வண்டிகள் கலந்துகொண்டன.

பரிசுகள்

இந்த பெரிய மாட்டு வண்டி பந்தயத்தில் முதல் பரிசை அவனியாபுரம் பசும்பொன் வண்டியும், 2-வது பரிசை பூவந்தி தியானபாண்டியன் வண்டியும், 3-வது பரிசை நொடோடை சாயாஸ்யுவர்ஸ் மற்றும் வல்லாளப்பட்டி கற்காத்தாள் வண்டியும் பெற்றது.

இதையடுத்து சின்னமாட்டு வண்டி பந்தயம் நடைபெற்றது. இந்த சின்னமாட்டு வண்டி பந்தயத்தில் 13 வண்டிகள் கலந்துகொண்டன. இந்த போட்டியில் முதல் பரிசை தேனி மாவட்டம் பாலார்பட்டி மாயா வண்டியும், 2-வது பரிசை சிவகங்கை அருண் ஸ்டுடியோ வண்டியும், 3-வது பரிசை கணக்கன்பட்டி சற்குரு வண்டியும் பெற்றது. வெற்றி பெற்ற மாட்டு வண்டிகளின் உரிமையாளர்களுக்கு பரிசுகள் வழங்கப்பட்டன.