மாவட்டம் முழுவதும் 23 ஆயிரம் பேருக்கு கொரோனா தடுப்பூசி
திண்டுக்கல் மாவட்டத்தில் 2 ஆயிரத்து 752 முகாம்களில் 23 ஆயிரத்து 974 பேர் தடுப்பூசி செலுத்தி கொண்டனர்.
தமிழகம் முழுவதும் நேற்று மெகா கொரோனா தடுப்பூசி முகாம் நடைபெற்றது. அதன்படி திண்டுக்கல் மாவட்டத்தில் 2 ஆயிரத்து 752 இடங்களில் மெகா தடுப்பூசி முகாம் நடந்தது. இந்த முகாம்களில் காலை 7 மணி முதல் இரவு 7 மணி வரை பொதுமக்கள் ஆர்வமாக வந்து கொரோனா தடுப்பூசி செலுத்தி கொண்டனர்.
இதில் 166 பேருக்கு முதல் தவணையும், 4 ஆயிரத்து 424 பேருக்கு 2-ம் தவணையும், 19 ஆயிரத்து 384 பேருக்கு 3-ம் தவணையும் தடுப்பூசி செலுத்தப்பட்டது. இதன் மூலம் நேற்று ஒரேநாளில் 23 ஆயிரத்து 974 பேர் தடுப்பூசி செலுத்தி கொண்டது குறிப்பிடத்தக்கது.