விளையாட்டு விடுதியில் மாணவர் சேர்க்கைக்கான தேர்வு போட்டிகள்

கல்லூரிகளில் பயிலும் மாணவ- மாணவிகளுக்கு விளையாட்டுத்துறையில் சாதனைகள் புரிவதற்கு ஏற்ப நல்ல பயிற்சி, தங்குமிடவசதி மற்றும் சத்தான உணவுடன் கூடிய சிறப்பு விளையாட்டு விடுதிகள் செயல்பட்டு வருகின்றன.

அதில் சென்னை ஜவஹர்லால்நேரு உள்விளையாட்டரங்கத்தில் செயல்பட்டுக்கொண்டிருக்கும் மாணவிகளுக்கான சிறப்பு விளையாட்டு விடுதியில் கூடைப்பந்து மற்றும் ஜுடோ விளையாட்டுக்களிலும், மாணவர்களுக்கான சிறப்பு விளையாட்டு விடுதியில் ஜுடோ விளையாட்டில் காலியாக உள்ள இடங்களுக்கு மாணவ- மாணவிகள் சேர்க்கை நடைபெறும்.

மேலும், சிறப்பு விளையாட்டு விடுதி 2-ம் கட்ட சேர்க்கைக்கானஆன்லைன் விண்ணப்ப படிவத்தினை www.sdat.tn.gov.in என்ற இணையதளம் மூலம் இணையவழியிலேயே பூர்த்தி செய்து ஆன்லைன் வழியாக விண்ணப்பிக்க வேண்டும். விண்ணப்பத்தினை பூர்த்தி செய்வதற்கு நாளை (வெள்ளிக்கிழமை) கடைசி நாள். 17 வயது நிரம்பிய 12-ம் வகுப்பில் தேர்ச்சி பெற்ற மற்றும் கல்லூரியில் இளநிலை மற்றும் முதுநிலை பயிலும் மாணவ- மாணவிகள் தகுதியுடையவர்.

தனி நபர் மற்றும் குழு விளையாட்டுப் போட்டிகளில் விண்ணப்பிப்பவர்கள் மாநில அளவில் குடியரசுதின, பாரதியார் தின விளையாட்டுப் போட்டிகள், அங்கீகரிக்கப்பட்ட மாநில விளையாட்டுக்கழகங்கள் நடத்தும் போட்டிகளில் முதல் 3 இடங்களில் வெற்றி பெற்றிருத்தல் வேண்டும். அல்லது தமிழ்நாடு அணியில் தேர்வு செய்யப்பட்டு தேசிய அளவில் தேசிய விளையாட்டு சம்மேளனங்கள், இந்திய பள்ளி விளையாட்டு கூட்டமைப்பு, இந்திய விளையாட்டு அமைச்சகம் நடத்தும் போட்டிகளில் கலந்து கொண்டவர்களும் விண்ணப்பிக்கலாம்.

மாநில அளவிலான தேர்வுப்போட்டிகள் கூடைப்பந்து (மாணவிகள்) மற்றும் ஜுடோ (மாணவ-மாணவிகள்) சென்னை பெரியமேடு நேரு விளையாட்டரங்கத்தில் நாளை மறுநாள் (சனிக்கிழமை) காலை 7 மணி முதல் நடைபெற

உள்ளது. இவ்வாறு அதில் கூறப்பட்டுள்ளது.