ஓசூர் மாநகரில் தூய்மை பணி மேயர் சத்யா தொடங்கி வைத்தார்

ஓசூர்:

ஓசூர் மாநகரில் "என் குப்பை எனது பொறுப்பு' என்னும் நகர பகுதிகளின் தூய்மைக்கான மக்கள் இயக்கத்தை மாநகர மேயர் எஸ்.ஏ.சத்யா தூய்மை பணியை தொடங்கி வைத்தார். ஓசூர் மாநகரத்தை தூய்மைப்படுத்தும் நோக்கில் தூய்மை பணியாளர்கள் மூலம், பகுதி வாரியாக குப்பைகள் அகற்றப்பட உள்ளன. 15 நாட்கள் இந்த தூய்மை பணிகளை மேற்கொள்ள திட்டமிடப்பட்டுள்ள நிலையில் முதல் நாளான நேற்று, ஓசூர் பஸ் நிலையம் அருகே குப்பைகளை சேகரித்து தூய்மை பணியை தொடங்கப்பட்டது. இதில் மாநகராட்சி ஆணையாளர் பாலசுப்பிரமணியன், துணை மேயர் ஆனந்தய்யா, மாமன்ற உறுப்பினர்கள் என்எஸ்.மாதேஸ்வரன், மாரக்கா, சென்னீரப்பா, மோசின்தாஜ் உள்பட பலர் கலந்து கொண்டனர்.