மாவட்டத்தில் லேசான மழைக்கு வாய்ப்பு

வானிலை

நாமக்கல் மாவட்டத்தில் இன்று (சனிக்கிழமை) முதல் 5 நாட்களுக்கு நிலவும் வானிலை குறித்து கால்நடை மருத்துவக்கல்லூரி மற்றும் ஆராய்ச்சி நிலையம் சார்பில் வெளியிடப்பட்டு உள்ள செய்திக்குறிப்பில் கூறியிருப்பதாவது:-

இன்று 3 மி.மீட்டரும், நாளை (ஞாயிற்றுக்கிழமை) மற்றும் 30-ந் தேதி 2 மி.மீட்டரும் மழை பெய்ய வாய்ப்பு உள்ளது. நாளை மறுநாளும் (திங்கட்கிழமை), 31-ந் தேதியும் மழை பெய்ய வாய்ப்பு இல்லை. இன்று முதல் 5 நாட்களுக்கு 10 கி.மீட்டர் வேகத்தில் காற்று வீசும். இன்றும், 31-ந் தேதியும் தென்மேற்கு திசையில் இருந்தும், நாளை முதல் 3 நாட்களுக்கு மேற்கு திசையில் இருந்தும் காற்று வீசும். இதனிடையே வெப்பநிலையை பொறுத்தவரையில் அதிகபட்சமாக 100.4 டிகிரியாகவும், குறைந்தபட்சமாக 75.2 டிகிரியாகவும் இருக்கும்.

இதனிடையே காற்றின் ஈரப்பதம் அதிகபட்சமாக 70 சதவீதமாகவும், குறைந்தபட்சமாக 45 சதவீதமாகவும்இருக்கும்.

மழைக்கு வாய்ப்பு

சிறப்பு வானிலையை பொறுத்தவரை அடுத்த 5 நாட்களுக்கு வானம் லேசான மேகமூட்டத்துடன் காணப்படும். மேலும் மாவட்டத்தின் சில இடங்களில் லேசான மழை பெய்ய வாய்ப்பு உள்ளது. இதனிடையே கடந்த வாரம் இறந்த கோழிகள் பெரும்பாலும் வெள்ளை கழிச்சல் மற்றும் ஈக்கோலை கிருமியின் தாக்கத்தால் பாதிக்கப்பட்டு இறந்தது கோழியின நோய் கண்காணிப்பு மற்றும் கட்டுப்பாட்டு ஆய்வகத்தில் நடத்தப்பட்ட ஆய்வில் தெரியவந்து உள்ளது.

எனவே பண்ணையாளர்கள் வெள்ளை கழிச்சல் நோய்க்கான ஊநீர் பரிசோதனை செய்து, அதற்கேற்ப சீரான இடைவெளியில் வெள்ளை கழிச்சல் நோய்க்கான தடுப்பூசி அளிக்க வேண்டும். மேலும் கோழிப்பண்ணைகளில் முறையான உயிர் பாதுகாப்பு முறைகளை கடைபிடிக்க வேண்டும்.

இவ்வாறு அதில் கூறப்பட்டு உள்ளது.