உடும்புகளை விற்பனைக்காக பிடித்தவர் கைது

சீர்காழி வனச்சரகம் மயிலாடுதுறை பிரிவு திருமங்கலம் கிராமம் விக்ரமன் ஆறு பகுதியில் உடும்புகள் இறைச்சிக்காக விற்பனை செய்யப்படுவதாக சீர்காழி வனச்சரக அலுவலகத்துக்கு ரகசிய தகவல் கிடைத்தது.அதன்பேரில் மயிலாடுதுறை பிரிவு வனவர் தலைமையிலான குழுவினர் சோதனை மேற்கொண்டனர். இதில், மயிலாடுதுறை தாலுகா திருமங்கலம் கிராமத்தை சேர்ந்த பாபு என்பவர் உடும்புகளை பிடித்து விற்பனை செய்தது தெரிய வந்தது.

இதுகுறித்து வனத்துறையினர் வழக்குப்பதிவு செய்து பாபுவை கைது செய்தனர். மேலும் அவரிடம் இருந்து 2 உடும்புகள் பறிமுதல் செய்யப்பட்டது. கைது செய்யப்பட்ட பாபுவிடம், வனச்சரக அலுவலர் ஜோசப் டேனியல் விசாரணை நடத்தினார். பின்னர் நாகை வன உயிரின காப்பாளர் யோகேஷ் குமார் மீனா உத்தரவுப்படி மயிலாடுதுறை நீதிமன்றத்தில் அவரை ஆஜர்படுத்தி சிறையில் அடைத்தனர்.