விவசாயியை தாக்கியவர் மீது வழக்கு

உடையார்பாளையம்:

அரியலூர் மாவட்டம், உடையார்பாளையம் சேர்வைக்கார தெருவை சேர்ந்தவர் ராஜசேகர் (வயது 37). விவசாயி. இவருக்கும், அதே பகுதியில் வசிக்கும் ஜெகநாதனின் மகன் குமாருக்கும் முன் விரோதம் இருந்து வந்துள்ளது. இந்நிலையில் நேற்று முன்தினம் இரவு அவர்களுக்கு இடையே தகராறு ஏற்பட்டது. இதில் ராஜசேகரை குமார் தகாத வார்த்தைகளால் திட்டி, வீட்டின் கூரையில் இருந்த ஓட்டை எடுத்து தலையில் அடித்துள்ளார். இதில் பலத்த காயமடைந்த ராஜசேகரை அருகில் இருந்தவர்கள் மீட்டு ஜெயங்கொண்டம் அரசு மருத்துவமனையில் சிகிச்சைக்காக சேர்த்தனர். இது குறித்து ராஜசேகர், உடையார்பாளையம் போலீசில் புகார் அளித்தார். அதன்பேரில் குமார் மீது போலீசார் வழக்குப்பதிவு செய்து விசாரணை மேற்கொண்டு வருகின்றனர்.