நல்லம்பள்ளி:
நல்லம்பள்ளி அருகே உள்ள சேசம்பட்டியான்கொட்டாய் கிராமத்தை சேர்ந்தவர் சகாதேவன் (வயது 48). இவருக்கும், அதே ஊரை சேர்ந்த தேவேந்திரன் (42) என்பவருக்கும் இடையே வழித்தடம் தொடர்பாக முன்விரோதம் இருந்து வருகிறது. இந்தநிலையில் சம்பவத்தன்று இரு தரப்பினருக்கும் இடையே தகராறு ஏற்பட்டது. இதுகுறித்து இருதரப்பினரும் தொப்பூர் போலீசில் புகார் அளித்தனர். அதன்பேரில் போலீசார் இருதரப்பையும் சேர்ந்த 2 பெண்கள் உள்பட 6 பேர் மீது வழக்குப்பதிவு செய்து, விசாரணை நடத்தி வருகின்றனர்.