கால்நடை தடுப்பூசி சிறப்பு மருத்துவ முகாம்

முதுகுளத்தூர், 

முதுகுளத்தூர் அருகே உள்ள குமாரகுறிச்சி கிராமத்தில் கால்நடை தடுப்பூசி சிறப்பு மருத்துவ முகாம் நடைபெற்றது. முகாமிற்கு ஊராட்சி மன்ற தலைவர் செந்தில் தலைமை தாங்கினார். பரமக்குடி கால்நடை உதவி இயக்குனர் சிவக்குமார் முன்னிலை வகித்தார். முகாமில் கால்நடை உதவி மருத்துவர்கள் சுந்தரமூர்த்தி, மோகன் ஆகியோர் பங்கேற்று கால்நடைகளுக்கு சிகிச்சை அளித்தனர்.

இதையொட்டி கால்நடைகளுக்கு தடுப்பூசி, செயற்கை முறை கருவூட்டல், சினை பரிசோதனை, கன்றுகள் மற்றும் மாடுகளுக்கு குடல்புழு நீக்கம், கோழிகளுக்கு வெள்ளைக் கழிச்சல் தடுப்பூசி, தாது உப்புக்கலவை வழங்கப்பட்டது. இதில் மாடுகள் 47, வெள்ளாடு 320, செம்பரிஆடு 790, செல்லப்பிராணிகள் 12, கோழிகள் 536 உள்ளிட்டவைக்கு சிகிச்சை அளிக்கப்பட்டது. முகாமில், கால்நடை ஆய்வாளர்கள் உஷாராணி, கால்நடை பராமரிப்பு உதவியாளர் விஜயதாரணி உள்பட பலர் கலந்து கொண்டனர். மேலும் சிறந்த முறையில் கால்நடைகளை வளர்த்த விவசாயிகளுக்கு பரிசுகளும், சான்றிதழ்களும் வழங்கப்பட்டது.