புவனகிரி அருகே மோட்டார் சைக்கிள் மீது பஸ் மோதல்; தொழிலாளி பலி

புவனகிரி, 

புவனகிரி அருகே கொத்தட்டை கிராமத்தை சேர்ந்தவர் கரண் (வயது 24)தொழிலாளி. இவர் தனது நண்பரான கடலூர் கோண்டூரை சேர்ந்த பிரபு (22) என்பவருடன் ஒரு மோட்டார் சைக்கிளில் புவனகிரியில் இருந்து கொத்தட்டை நோக்கி சென்று கொண்டிருந்தனர். மோட்டார் சைக்கிளை கரண் ஓட்டி சென்றார். தம்பிக்குநல்லாம்பட்டினம் கிராமம் மெயின் ரோட்டில் உள்ள வளைவில் சென்றபோது, கடலூரில் இருந்து சிதம்பரம் நோக்கி சென்ற தனியார் பஸ் ஒன்று எதிர்பாராதவிதமாக மோட்டார் சைக்கிள் மீது மோதியது, இதில் பலத்த காயமடைந்த கரண் சம்பவ இடத்திலேயே பரிதாபமாக இறந்தார். படுகாயம் அடைந்த பிரபு சிகிச்சைக்காக சிதம்பரம் ராஜா முத்தையா மருத்துவக்கல்லூரி மருத்துவமனையில் அனுமதிக்கப்பட்டுள்ளார். இது குறித்த புகாரின் பேரில் புவனகிரி போலீஸ் இன்ஸ்பெக்டர் சரஸ்வதி, சப்- இன்ஸ்பெக்டர் சந்தோஷ். ஆகியோர் வழக்குப்பதிவு செய்து விசாரணை நடத்தி வருகின்றனர்.