வாலிபர் வீட்டில் திருட்டு

விருத்தாசலம்,

மங்கலம்பேட்டை யாதவர் தெருவை சேர்ந்தவர் விஜயகுமார்(வயது 33). இவர் கடந்த 23-ந்தேதி தனது வீட்டை பூட்டிவிட்டு குடும்பத்தினருடன் வெளியூர் சென்றிருந்தார். பின்னர் நேற்று முன்தினம் மாலை விஜயகுமார் வீட்டுக்கு வந்தார். அப்போது வீட்டின் முன்பக்க கதவு உடைக்கப்பட்டு கிடந்தது. இதைபார்த்து அதிர்ச்சியடைந்த அவர், உள்ளே சென்று பார்த்தபோது, பீரோ உடைக்கப்பட்டு கிடந்தது. அதில் வைத்திருந்த 2 பவுன் நகை, ரூ.2,400 ரொக்கம் மற்றும் வெள்ளி பொருட்களை காணவில்லை. அவற்றை மர்மநபர்கள் திருடிச்சென்றிருப்பது தொியவந்தது. இதுகுறித்த புகாரின்பேரில் மங்கலம்பேட்டை போலீசார் வழக்குப்பதிவு செய்து நகை-பணத்தை திருடிச்சென்ற மர்மநபர்களை வலைவீசி தேடி வருகின்றனர்.