6 வயது சிறுமியை கடத்திய சிறுவன் கைது

கோவை,

திருச்சியை சேர்ந்த 30 வயது பெண், கடந்த சில மாதங்களுக்கு முன்பு தனது 6 வயது மகள், 3 வயது மகனுடன் கோவை வந்தார். அவர் புலியகுளத்தில் உள்ள ஒரு பன்றிப்பண்ணையில் வேலைக்கு சேர்ந்தார். இந்த நிலையில் பண்ணையில் விளையாடி கொண்டிருந்த அந்த சிறுமியை நேற்று முன்தினம் முதல் காணவில்லை. அக்கம், பக்கத்தில் தேடியும் சிறுமி கிடைக்க வில்லை.

இது குறித்த புகாரின் பேரில் கோவை கிழக்கு அனைத்து மகளிர் போலீசார் வழக்கு பதிவு செய்து விசாரணை நடத்தினர். இதில், அந்த சிறுமியை பன்றி பண்ணையில் வேலை பார்த்த தேனியை 17 வயது சிறுவன் தனது சொந்த ஊருக்கு அழைத்து சென்றது தெரியவந்தது. இதையடுத்து அந்த சிறுவன் மீது கடத்தல் உள்ளிட்ட பிரிவுகளின் கீழ் போலீசார் வழக்குப்பதிவு செய்து 17 வயது சிறுவனை கைது செய்தனர். பின்னர் அவனை, கோவை லட்சுமி சிக்னல் அருகே உள்ள கூர்நோக்கு இல்லத்தில் அடைத்தனர். மீட்கப்பட்ட சிறுமியை போலீசார் காப்பகத்தில் ஒப்படைத்தனர்.