வியாபாரிகளுக்கு பூஸ்டர் தடுப்பூசி

கோத்தகிரி, 

நீலகிரி மாவட்டத்தில் கொரோனா பரவலை தடுக்க தடுப்பூசி போடும் பணி தீவிரப்படுத்தப்பட்டு உள்ளது. இந்தநிலையில் நேற்று பூஸ்டர் தடுப்பூசி செலுத்த சிறப்பு முகாம் ஏற்பாடு செய்யப்பட்டது. முன்கள பணியாளர்கள், 2 டோஸ் தடுப்பூசி செலுத்தி 9 மாதங்கள் நிறைவடைந்தவர்கள் மற்றும் முதியோர்களுக்கு பூஸ்டர் தடுப்பூசி செலுத்தப்பட்டது. கோத்தகிரி அரசு ஆஸ்பத்திரி, ஆரம்ப சுகாதார நிலையங்கள், கோத்தகிரி பேரூராட்சி மூலம் சிறப்பு முகாம் நடந்தது. இதில் முதல், 2-வது டோஸ் மற்றும் பூஸ்டர் தடுப்பூசி போடப்பட்டது.

மேலும் சுகாதாரத் துறை சார்பில் கோத்தகிரி மார்கெட் மற்றும் நகர் பகுதிகளில் உள்ள கடைகளுக்கு செவிலியர்கள் நேரில் சென்று, 2 டோஸ் தடுப்பூசி செலுத்தி 9 மாதங்கள் நிறைவடைந்த வியாபாரிகள் அனைவருக்கும் பூஸ்டர் தடுப்பூசி செலுத்தினர். 50-க்கும் மேற்பட்ட வியாபாரிகள் பூஸ்டர் தடுப்பூசி செலுத்திக்கொண்டனர்.