பறவைகளை வேட்டையாடியவர் கைது

வாய்மேடு:

திருச்சி மண்டல தலைமை வனப்பாதுகாவலர் சதீஷ், நாகப்பட்டினம் வனஉயிரினக் காப்பாளர் யோகேஷ்குமார் மீனா ஆகியோரின் உத்தரவின்படி வேதாரண்யம் வனச்சரக அலுவலர் அயூப்கான் தலைமையில் வனவர் ராமதாஸ், வனக்காப்பாளர்கள் ரணிஷ்குமார், இலக்கியா, வேட்டை தடுப்பு காவலர்கள் பாண்டியன், நிர்மல்ராஜ் ஆகியோர் கொண்ட வேட்டை தடுப்பு சிறப்பு குழுவினர் நேற்று காலை தென்னடார் கிழக்கு பகுதியில் கண்காணிப்பு பணியில் ஈடுபட்டனர். அப்போது தென்னடார் கிழக்கை சேர்ந்த ராமன் (வயது38) என்பவர் தனது வீட்டின் அருகே உள்ள வயலில் கண்ணி வைத்து மடையான், கொக்கு பறவைகளை வேட்டையாடியது தெரிய வந்தது. இதுகுறித்து வனத்துறையினர் வழக்குப்பதிவு செய்து ராமனை கைது செய்தனர். மேலும் நாகை வனஉயிரினக் காப்பாளர் யோகேஷ்குமார் மீனா, உத்தரவின்படி ராமனுக்கு ரூ.25 ஆயிரம் அபராதம் விதிக்கப்பட்டது.