பறவைகளை வேட்டையாடியவர் கைது

வேதாரண்யம்:

வேதாரண்யத்தை அடுத்த மகாராஜபுரம் பகுதியில் திருச்சி மண்டல தலைமை வனப்பாதுகாவலர் சதீஷ், நாகை வனஉயிரினக் காப்பாளர் கூடுதல் பொறுப்பு தஞ்சாவூர் மாவட்ட வன அலுவலர் அகில் தம்பி, ஆகியோரின் உத்தரவின் பேரில் கோடியக்கரை வனச்சரக அலுவலர் அயூப்கான் தலைமையில் வனவர்கள் ராமதாஸ், மகாலட்சுமி, வேட்டை தடுப்பு காவலர்கள் லோகநாதன், நவநீத கிருஷ்ணன், பாண்டியன் ஆகியோர் அடங்கிய குழுவினர் சம்பவத்தன்று ரோந்து பணியில் ஈடுபட்டனர். அப்பேது மகாராஜபுரம் வயல் வெளியில் வலை வைத்து மடையான் பறவைகளை வேட்டையாடிய ஒருவரை பிடித்து விசாரணை நடத்தினர். இதில் அவர், தலைக்காடு பகுதியை சேர்ந்த அய்யப்பன் (வயது 40) என்பது தெரிய வந்தது. இதுகுறித்து வனத்துறையினர் வழக்குப்பதிவு செய்து அய்யப்பனை கைது செய்தனர். மேலும் அவருக்கு ரூ.25 ஆயிரம் அபராதம் விதிக்கப்பட்டது. அவரிடம் இருந்து வலைகள் பறிமுதல் செய்யப்பட்டது.