வேதாரண்யத்தை அடுத்த கரியாப்பட்டினம் பகுதியில் திருச்சி வன மண்டல தலைமை வனப்பாதுகாவலர் சதீஷ், நாகப்பட்டினம் வன உயிரின காப்பாளர் யோகேஷ்குமார் மீனா ஆகியோரின் உத்தரவின்படி வேதாரண்யம் வனச்சரக அலுவலர் அயூப் கான் தலைமையில் வனவர்கள், வனக்காப்பாளர்கள், வேட்டை தடுப்பு காவலர்கள் ஆகியோர் அடங்கிய சிறப்பு குழுவினர்கள் கரியாப்பட்டினம் நடுக்காடு கோட்டகம் பகுதியில் ரோந்து பணியில் ஈடுபட்டனர். அப்போது அதே பகுதியை சேர்ந்த ஜெயக்குமார்(வயது40) என்பவர் பறவைகளை வேட்டையாடியது தெரியவந்தது. இதுகுறித்து வனத்துறையினர் இந்திய வனஉயிரின பாதுகாப்பு சட்டப் படி வழக்குப்பதிவு செய்து ஜெயக்குமாரை கைதுசெய்து அவருக்கு ரூ.25 ஆயிரம் அபராதம் விதித்தனர்.