முன்விரோதம் காரணமாக இரு தரப்பினர் மோதல்

பெரியகுளம் தென்கரை பட்டாளம்மன் கோவில் தெருவை சேர்ந்தவர் ராஜா (வயது 27). இவர், கொடைக்கானலில் உள்ள ஓட்டல் ஒன்றில் வேலை பார்த்து வருகிறார். பட்டாளம்மன் கோவில் தெருவை சேர்ந்த கருப்பையா மகன்கள் கோபால் சங்கிலி, சரண். இவர்களுக்கும், ராஜாவுக்கும் இடையே முன்விரோதம் இருந்து வந்தது. இந்நிலையில் நேற்று முன்தினம் கோபால் சங்கிலி, சரண், கருப்பையா ஆகிய 3 பேரும் சேர்ந்து ராஜாவை தகாத வார்த்தையால் பேசி தாக்கினர். அப்போது இரு தரப்பினர் இடையே மோதல் ஏற்பட்டது. இதுகுறித்து இரு தரப்பினரும் தென்கரை போலீசில் புகார் கொடுத்தனர். அதன்பேரில் ராஜா, அவரது தந்தை மனோகரன், கருப்பையா உள்பட 7 பேர் மீது போலீசார் வழக்குப்பதிவு செய்து விசாரணை நடத்தி வருகின்றனர்.