பருவமழை முன் எச்சரிக்கை நடவடிக்கை குறித்து விழிப்புணர்வு

திருப்பத்தூர் மாவட்டம் நாட்டறம்பள்ளி அடுத்த சுண்ணாம்பு குட்டை பகுதியில் இயங்கி வரும் ஊராட்சி ஒன்றிய அரசு நடுநிலைப் பள்ளியில் மாணவ- மாணவிகளுக்கு தீ விபத்து விழிப்புணர்வு பிரசாரம் மற்றும் பருவமழை முன்னிட்டு முன் எச்சரிக்கை நடவடிக்கை குறித்து விழிப்புணர்வு வகுப்பு நடைபெற்றது.

நாட்டறம்பள்ளி தீயணைப்பு நிலைய அலுவலர் ரமேஷ் மற்றும் தீயணைப்பு வீரர்கள் தீ விபத்து ஏற்படும் சூழ்நிலையில் எப்படி முன்னெச்சரிக்கையாக நடந்து கொள்வது, எப்படி விபத்தில் சிக்கியவர்களை காப்பாற்றுவது, எப்படி பாதுகாப்பு உபகரணங்களை கையாள்வது, உயரமான மாடி கட்டிடங்களில் சிக்கிக் கொள்பவர்களையும் நீர்நிலைகளில் மூழ்கியவர்களையும் எப்படி உபகரணங்களை பயன்படுத்தி காப்பாற்றுவது போன்ற பல்வேறு தகவல்களை விழிப்புணர்வு நிகழ்ச்சிகள் மூலம் பள்ளி மாணவ மாணவிகள் முன்னிலையில் செயல்விளக்கம் செய்து காட்டினா்.

நிகழ்ச்சியில் பள்ளி தலைமை ஆசிரியர், ஆசிரியர்கள் மற்றும் மாணவ-மாணவிகள் கலந்து கொண்டனர்.