காரமடை,
காரமடை ஒன்னிபாளையம் பகுதியை சேர்ந்தவர் மகேந்திரன் (வயது 22). சம்பவத்தன்று இவர் காரமடையில் இருந்து மேட்டுப்பாளையம் நோக்கி இரு சக்கர வாகனத்தில் சென்ற போது காரமடை குட்டை பகுதியில் ஏதிரே வந்த சரக்கு ஆட்டோ இருசக்கர வாகனம் மீது மோதியது. இந்த விபத்தில் மகேந்திரன் பலத்த காயம் அடைந்தார். அவரை அக்கம்பக்கத்தினர் மீட்டு சிகிச்சைக்காக மேட்டுப்பாளையம் அரசு ஆஸ்பத்திரிக்கு அனுப்பி வைத்தனர். பின்னர் மேல் சிகிச்சைக்காக கோவை அரசு ஆஸ்பத்திரிக்கு அனுப்பி வைத்தனர். அங்கு சிகிச்சை பலனின்றி மகேந்திரன் உயிரிழந்தார். இதுகுறித்து காரமடை போலீசார் வழக்குப்பதிவு செய்து விசாரணை நடத்தி வருகின்றனர்.