பஸ் மீது ஆட்டோ மோதி 3 பேர் காயம்

மேல்அரசம்பட்டு கிராமத்தை சேர்ந்தவர் சீனு (வயது 29). இவர் சொந்தமாக ஆட்டோ வைத்து ஓட்டி வருகிறார். நேற்று காலை மேல்அரசம்பட்டில் இருந்து 6-க்கும் மேற்பட்ட பயணிகளை ஏற்றிக்கொண்டு ஒடுகத்தூர் நோக்கி வந்து கொண்டிருந்தார். கொட்டாவூர் அருகே வரும்போது முன்னால் சென்ற தனியார் பஸ் மீது ஆட்டோ மோதி, சாலை ஓரத்தில் ஆட்டோ குப்புற கவிழ்ந்தது. அதில் பயணம் செய்த 6 பேரும் ஆட்டோவுக்கு அடியில் சிக்கிக் கொண்டனர்.

அவர்களை பஸ் பயணிகள் பத்திரமாக மீட்டனர். இதில் மேல்அரசம்பட்டு பகுதியைச் சேர்ந்த தீபி (29), தினகரன் (50) ஆகிய இருவருக்கும் படுகாயம் ஏற்பட்டது. அவர்கள் வேலூர் அரசு மருத்துவமனைக்கு அனுப்பி வைக்கப்பட்டனர். ஒருவர் ஒடுகத்தூர் ஆரம்ப சுகாதார நிலையத்தில் சேர்க்கப்பட்டார்.

இதுபற்றி தகவல் அறிந்ததும் வேப்பங்குப்பம் போலீசார் சம்பவ இடத்திற்கு விரைந்து சென்று ஆட்டோவை மீட்டனர். தொடர்ந்து விசாரணை நடத்தி வருகின்றனர்.