அந்தியூர் கூட்டுறவு சங்கத்தில் ரூ.3¾ லட்சத்துக்கு வாழைத்தார்கள் ஏலம்

அந்தியூர்

அந்தியூர் புதுப்பாளையம் வேளாண்மை உற்பத்தியாளர் கூட்டுறவு சங்கத்தில் வாழைத்தார் ஏலம் நடைபெற்றது. இதற்கு அந்தியூர், அத்தாணி, ஆப்பக்கூடல், கள்ளிப்பட்டி, வெள்ளித்திருப்பூர், ஒலகடம், சென்னம்பட்டி ஆகிய பகுதிகளில் இருந்து 2 ஆயிரத்து 140 வாழைத்தார்கள் கொண்டு வரப்பட்டன.

இதில் கதலி (கிலோ) ரூ.30-க்கும், நேந்திரம் ரூ.20-க்கும் ஏலம் போனது. பூவன் (தார்) ரூ.520-க்கும், செவ்வாழை ரூ.740-க்கும், தேன்வாழை ரூ.480-க்கும், ரஸ்தாளி ரூ.600-க்கும், மொந்தன் ரூ.350-க்கும், ரொபஸ்டா ரூ.420-க்கும் விற்பனையானது. மொத்தம் ரூ.3 லட்சத்து 89 ஆயிரத்துக்கு விற்பனை செய்யப்பட்டது. ஈரோடு, பெருந்துறை, கோபி, சத்தியமங்கலம், பொள்ளாச்சி, திருப்பூர், கோவை ஆகிய பகுதிகளில் இருந்து வந்த வியாபாரிகள் வாழைத்தார்களை ஏலம் எடுத்துச் சென்றனர்.