அந்தியூர் கூட்டுறவு சங்கத்தில் ரூ.4¾ லட்சத்துக்கு வாழைத்தார்கள் ஏலம்

அந்தியூர்

அந்தியூர் புதுப்பாளையம் வேளாண்மை உற்பத்தியாளர் கூட்டுறவு சங்கத்தில் வாழைத்தார்கள் ஏலம் நடைபெற்றது. இந்த ஏலத்துக்கு அந்தியூர், அத்தாணி, ஆப்பக்கூடல், ஒலகடம், வெள்ளித்திருப்பூர் உள்பட பல்வேறு பகுதிகளில் இருந்து ஏராளமான விவசாயிகள் 2 ஆயிரத்து 160 வாழைத்தார்களை விற்பனைக்காக கொண்டு வந்திருந்தனர்.

இதில் கதலி வாழைப்பழம் கிலோ ஒன்று ரூ.38-க்கும், நேந்திரன் ரூ.35-க்கும் விற்பனை ஆனது. செவ்வாழை (தார் ஒன்று) ரூ.760-க்கும், ரஸ்தாளி ரூ.620-க்கும், தேன்வாழை ரூ.450-க்கும், பூவன் ரூ.420-க்கும், மொந்தன் ரூ.300-க்கும் ரொபஸ்டா ரூ.350-க்கும் விற்பனை செய்யப்பட்டது. வாழைத்தார்கள் மொத்தம் ரூ.4 லட்சத்து 83 ஆயிரத்துக்கு ஏலம் போனது. ஈரோடு, திருப்பூர், கோவை, மேட்டூர், பெருந்துறை, பொள்ளாச்சி உள்பட பல்வேறு பகுதிகளில் இருந்து ஏராளமான வியாபாரிகள் இங்கு வந்து வாழைத்தார்களை ஏலம் எடுத்து சென்றனர்.