தொழிலாளி மீது தாக்குதல்; 3 பேர் கைது

குலசேகரன்பட்டினம்:

குலசேகரன்பட்டினம் அழகர் தெருவைச் சேர்ந்தவர் முத்து மகன் இசக்கியப்பன் (வயது 19) கூலித்தொழிலாளி. இவர் கடந்த 7-ந் தேதி தனது நண்பர்களுடன் சேர்ந்து குலசேகரன்பட்டினம் கடற்கரைக்கு வண்ணான்தெரு வழியாக சென்று கொண்டிருந்தார். அப்போது அவருக்கும், மற்றொரு தரப்பினருக்கும் இடையே வாக்குவாதம் ஏற்பட்டுள்ளது. இதனையடுத்து கடற்கரைக்குச் சென்று விட்டு மீண்டும் வீட்டிற்கு திரும்பி வரும்போது தோப்பார்கடை அருகில் வைத்து இசக்கியப்பனை வண்ணான்தெருவைச் சேர்ந்த சுயம்பு மகன் ஆனந்த் (19), பேச்சிமுத்து மகன் சுரேஷ் (21), மனோகரன் (57), சசி, செல்வகுமார், பேச்சியம்மாள் (42) ஆகிய 6 பேர் தகராறில் ஈடுபட்டு தாக்கியுள்ளனர். இதில் படுகாயமடைந்த இசக்கியப்பன் அளித்த புகாரின் பேரில் குலசேகரன்பட்டினம் போலீசார் ஆனந்த், சுரேஷ், பேச்சியம்மாள் ஆகிய 3 பேரையும் கைது செய்து விசாரணை நடத்தி வருகின்றனர். தப்பி ஓடிய மற்ற 3 பேரையும் தேடி வருகின்றனர்.