கோவில்பட்டியில் கலை விழா:வெற்றிபெற்ற மாணவர்களுக்கு பரிசளிப்பு

கோவில்பட்டி:

கோவில்பட்டி ஆயிர வைசிய மேல்நிலைப் பள்ளி வளாகத்தில் தமிழ் கல்சுரல் மற்றும் ஸ்போர்ட்ஸ் டிரஸ்ட் சார்பில் சாலை விதிகளை மதிப்போம் என்றபதை வலியுறுத்தி தென்மாவட்ட அளவிலான கலைவிழா போட்டிகள் நடந்தது. யோகா, சிலம்பம், சதுரங்கம், குங்பூ, ஓவியம் ஆகிய போட்டிகள் நடத்தப்பட்டன. போட்டிகளில் தூத்துக்குடி, விருதுநகர், திருநெல்வேலி ஆகிய மாவட்டங்களை சேர்ந்த 750 மாணவ- மாணவிகள் கலந்து கொண்டனர்.

போட்டிகளில் அதிக புள்ளிகள் பெற்று கோவில்பட்டி லட்சுமி ஆலை மேல்நிலைப் பள்ளியும், சாத்தூர் கே.சி.ஏ.டி. மெட்ரிக் மேல்நிலைப் பள்ளி ஆகியவை சாம்பியன்

பட்டம் வென்றன. கோவில்பட்டி சபரீஸ் ஜெயன் ஜூனியர் கிளப், அருப்புகோட்டை எஸ்.பி.கே. இன்டர்நேஷனல் பள்ளி ஆகியவை 2-வது இடத்தையும், சாத்தான்குளம் மேரி இம்மாகுலேட் மெட்ரிக் மேல்நிலைப் பள்ளி, கயத்தாறு தமிழர் போர்க்கலை சிலம்பம் ஆகியவை 3-வது இடத்தையும் பெற்றன.

வெற்றி பெற்ற அணிகளுக்கு நடந்த பரிசளிப்பு விழாவுக்கு தமிழ்நாடு யோகா விளையாட்டு வளர்ச்சிக் கழக பொதுச் செயலாளர் மாரியப்பன் தலைமை தாங்கினார். இயற்கை மற்றும் யோகா மருத்துவர் திருமுருகன் வாழ்த்தி பேசினார். விழாவில் சிறப்பு விருந்தினராக முன்னாள் அமைச்சர் கடம்பூர் ராஜூ எம்.எல்.ஏ. கலந்து கொண்டு வெற்றி பெற்ற பள்ளிகளுக்கும், அணிகளுக்கும் கோப்பைகளை வழங்கி பாராட்டினார். மேலும், தேசிய அளவிலான யோகா போட்டிகளில் வென்று, சர்வதேச யோகா போட்டியில் கலந்து கொள்ள உள்ள ஸ்ரீவில்லிபுத்தூர் லயன்ஸ் இன்டர்நேஷனல் பள்ளி 7-ம் வகுப்பு மாணவி ஜெயவர்தினிக்கு, ஊக்கத்தொகை வழங்கி பாராட்டினார்.

போட்டி ஏற்பாடுகளை, தமிழ் கல்ட்சுரல் மற்றும் ஸ்போர்ட்ஸ் டிரஸ்ட் தலைவர் கே.அழகுதுரை, துணைச் செயலாளர் எஸ்.சூரியநாராயணன், பொருளாளர் எஸ்.சிவசக்தி வேல்முருகன் மற்றும் நிர்வாகிகள் செய்திருந்தனர்.