வீட்டில் ரேஷன் அரிசி பதுக்கியவர் கைது

தென்காசி உணவு பொருள் கடத்தல் தடுப்பு பிரிவு போலீஸ் இன்ஸ்பெக்டர் கலா, சப்-இன்ஸ்பெக்டர் ஜெயக்குமார் தலைமையில் சங்கரன்கோவில் தாலுகா பெருமத்தூர் பகுதியில் போலீசார் ரோந்து பணியில் ஈடுபட்டனர். அப்போது பெருமத்தூர் நடுத்தெருவை சேர்ந்த ராமசாமி மகன் ஜெயக்குமார் (வயது 45) என்பவர் தனது வீட்டில் சுமார் 200 கிலோ ரேஷன் அரிசி பதுக்கி வைத்து இருந்தது தெரியவந்தது. இதனையடுத்து போலீசார் வழக்குப்பதிவு செய்து அவரை கைது செய்தனர். அவரிடம் இருந்து அரிசி பறிமுதல் செய்யப்பட்டது.