பழைய குற்றவாளிகள் உள்பட 63 பேர் கைது

கிருஷ்ணகிரி மாவட்டம் முழுவதும் போலீசார் அதிரடி வேட்டை நடத்தி பழைய குற்றவாளிகள் உள்பட மொத்தம் 63 பேரை கைது செய்தனர்.

போலீஸ் சூப்பிரண்டு உத்தரவு

கிருஷ்ணகிரி மாவட்டம் முழுவதும் குற்ற வழக்குகளில் ஈடுபடுபவர்களையும், பொதுமக்களுக்கு இடையூறாக இருந்து சட்டம்-ஒழுங்கிற்கு பாதிப்பு ஏற்படுத்துபவர்களை கைது செய்ய மாவட்ட போலீஸ் சூப்பிரண்டு சரோஜ்குமார் தாக்கூர் போலீசாருக்கு உத்தரவிட்டார்.

அந்த வகையில் மாவட்டம் முழுவதும் அந்தந்த பகுதி போலீசார் அதிரடியாக வேட்டை நடத்தினர். அப்போது பொதுமக்களுக்கு இடையூறாகவும், சட்டம்- ஒழுங்கிற்கு பாதிப்பை ஏற்படுத்தும் வகையில் நடந்து கொண்டதாக 63 பேரை போலீசார் கைது செய்தனர்.

பழைய குற்றவாளிகள்

இவர்களில் கொலை, கொலை முயற்சி, அடி-தடி மற்றும் திருட்டு உள்ளிட்ட குற்ற வழக்குகளில் தொடர்புடைய பழைய குற்றவாளிகளும், வரலாற்று பதிவேட்டில் (ஹிஸ்டரி சீட்) கண்காணிக்கப்படும் பழைய குற்றவாளிகளும் அடங்குவார்கள். தொடர்ந்து போலீசார் தீவிர அதிரடி சோதனை நடத்தி வருகின்றனர்.