ஓசூரில்டிரைவரை தாக்கிய பா.ஜனதா பிரமுகர் கைது

ஓசூர்

ஓசூர் பெரியார் நகரை சேர்ந்தவர் பிரதாப் (வயது 31). டிரைவர். இவர் சம்பவத்தன்று இரவு ஓசூர் ரிங்ரோடு மீன் மார்க்கெட் அருகே மோட்டார் சைக்கிளில் சென்றார். அப்போது பின்னால் ஸ்கூட்டரில் வேகமாக வந்த 2 பேர் மோட்டார் சைக்கிள் மீது மோதுவது போல் சென்றனர். இதுகுறித்து தட்டி கேட்ட பிரதாப்பை அவர்கள் தாக்கினர். இதில் படுகாயமடைந்த அவர் ஓசூர் அரசு மருத்துவமனையில் சிகிச்சை பெற்றார்.

இதுகுறித்து பிரதாப் ஓசூர் டவுன் போலீசில் புகார் கொடுத்தார். அதன்பேரில் போலீசார் விசாரணை நடத்தி ஓசூர் தேர்ப்பேட்டையை சேர்ந்த பா.ஜனதா பிரமுகர் நரேஷ்குமார் (34) என்பவரை கைது செய்தனர்.