கர்நாடகாவில் இருந்து ஓசூருக்குகுட்கா கடத்திய வாலிபர் கைது

ஓசூர்

ஓசூர் சிப்காட் போலீசார் ஜூஜூவாடி மேம்பாலம் அருகே வாகன சோதனையில் ஈடுபட்டு இருந்தனர். அப்போது அந்த வழியாக ஸ்கூட்டரில் வந்த ஒரு நபரை நிறுத்தி போலீசார் விசாரணை நடத்தினர். அவர் அலசநத்தம் கிராமத்தை சேர்ந்த மஞ்சுநாத் (வயது25) என்பதும், கர்நாடக மாநிலம் அத்திப்பள்ளியில் இருந்து ஓசூருக்கு குட்கா கடத்தியதும் தெரிய வந்தது. இதையடுத்து போலீசார் அவரை கைது செய்தனர். மேலும் குட்கா, ஸ்கூட்டா் ஆகியவற்றை பறிமுதல் செய்தனர்.