3 டன் ரேஷன் அரிசி கடத்தியவர் கைது

வேப்பூர், 

வேப்பூர் போலீசார் சென்னை - திருச்சி தேசிய நெடுஞ்சாலையில் வேப்பூர் கூட்டுரோடு அருகே வாகனசோதனையில் ஈடுபட்டனர். அப்போது அந்த வழியாக வந்த சரக்கு வாகனத்தை போலீசார் மறித்தனர். போலீசாரை பார்த்ததும், டிரைவர் சரக்கு வாகனத்தை சாலையிலேயே நிறுத்தி விட்டு தப்பி ஓடிவிட்டார். இதையடுத்து போலீசார் விரைந்து சென்று, வாகனத்தில் இருந்த மற்றொருவரை பிடித்து விசாரணை நடத்தினர். விசாரணையில் அவர் வேப்பூர் அடுத்த பெரியநெசலூரை சேர்ந்த சசிக்குமார்(வயது 37) என்பதும், ரேஷன் அரிசி கடத்தி வந்ததும் தெரியவந்தது. இதையடுத்து சசிக்குமாரை கைது செய்த போலீசார், 3 டன் ரேஷன் அரிசியையும், கடத்தலுக்கு பயன்படுத்தப்பட்ட சரக்கு வாகனத்தையும் பறிமுதல் செய்தனர். மேலும் தப்பி ஓடிய டிரைவரை போலீசார் தேடி வருகின்றனர்.