தர்மபுரியில் உரிமம் இன்றி பட்டாசுகள் வைத்திருந்தவர் கைது

தர்மபுரி பிடமனேரி பகுதியை சேர்ந்தவர் மூர்த்தி (வயது 58). இவர் தர்மபுரி பஸ் நிலையம் அருகே ஒரு கடையில் ரூ.26 ஆயிரம் மதிப்புள்ள 105 பட்டாசு பெட்டிகளை (பாக்ஸ்) வைத்திருந்தார். இது பற்றி தகவல் அறிந்த தர்மபுரி டவுன் போலீசார் அங்கு சென்று விசாரணை நடத்தினார்கள்.

அப்போது உரிமம் இன்றி பட்டாசு பெட்டிகளை வைத்திருப்பது தெரியவந்தது. இதுதொடர்பாக வழக்குப்பதிவு செய்த போலீசார் மூர்த்தியை கைது செய்தனர்.