நாகப்பட்டினம் மீனவர்கள் 5 பேர் கைது

ராமேசுவரம், 

நாகப்பட்டினம் பகுதியில் இருந்து ஒரு விசைப்படகில் மீன் பிடிக்க சென்ற 5 மீனவர்கள் நடுக்கடலில் மீன் பிடித்துக் கொண்டிருந்தனர். அப்போது கோடியக்கரை அருகே மீன்பிடித்துக் கொண்டிருந்தபோது அங்கு ரோந்து வந்த இலங்கை கடற்படையினர் இந்த படகு மற்றும் அதில் இருந்த 5 மீனவர்களையும் எல்லை தாண்டி மீன்பிடித்ததாக கூறி கைது செய்தனர். பின்னர் காங்கேசன்துறை கடற்படை முகாமுக்கு கொண்டு சென்று விசாரணை நடத்தி வருவதாக கூறப்படுகிறது. ஏற்கனவே காரைக்கால் பகுதியில் இருந்து மீன் பிடிக்க சென்ற 12 மீனவர்கள் கைது செய்யப்பட்டு உள்ள நிலையில் அடுத்த நாளே நாகப்பட்டினம் மீனவர்கள் 5 பேர் கைது செய்யப்பட்டு உள்ளது தமிழக மீனவர்கள் மத்தியில் மிகுந்த அச்சத்தை ஏற்படுத்தி உள்ளது.